ක්‍රියාත්මක ව්‍යාපෘති

ශ්‍රී ලංකාවේ තිරසාර හා කාර්යක්ෂම වි‍ද්‍යුත් වාහන සංචලන පද්ධතියක් ඇතිකිරීම සඳහා වන ව්‍යාපෘතිය (GEF Project)

මෙම ව්‍යාපෘතිය, ගෝලීය පාරිසරික පහසුකම් (GEF) ව්‍යාපෘති සකස් කිරීමේ ප්‍රදාන යටතේ ක්‍රියාත්මක වන අතර, ලොව රටවල්හි විදුලි සංචලතාවය මාරුවීමත් සමඟ අදාල රටවල් සඳහා ආධාර කිරීමේ ගෝලීය වැඩසටහනක අනුව්‍යාපෘතියකි. එක්සත් ජාතීන්ගේ පරිසර වැඩසටහනෙහි වායු ගුණාත්මක හා සංචලතා ඒකකය ගෝලීය ව්‍යාපෘතිය ක්‍රියාත්මක කරන ආයතනය වන අතර, ශ්‍රී ලංකාවේ ව්‍යාපෘතිය ක්‍රියාත්මක කිරීමේ නියෝජිත ආයතනය පරිසර අමාත්‍යාංශය වේ.

මෙම ව්‍යාපෘතියේ පරමාර්ථය වන්නේ “ශ්‍රී ලංකාවේ තිරසාර හා කාර්යක්ෂම විද්‍යුත් වාහන සංචලන පද්ධතිය” නැමැති ව්‍යාපෘති සංකල්පය පූර්ණ ව්‍යාපෘතියක් ලෙස සංවර්ධනය කිරීමයි.

නිල් අහස් තලයක් සඳහා පිරිසිදු වාතය පිළිබඳ පළමු ජාත්‍යන්තර දිනය 2020

වායු සම්පත් කළමනාකරණ අංශය විසින් 2020 සැප්තැම්බර් 07 වන දින “නිල් අහස් තලයක් සඳහා වූ පිරිසිදු වාතය පිළිබඳ ජාත්‍යන්තර දිනය” සැමරීමේ වැඩසටහනක් පරිසර අමාත්‍යාංශ ලේකම් තුමාගේ ප්‍රධානත්වයෙන් අමාත්‍යාංශ පරීශ්‍රයේදී සාර්ථකව පවත්වන ලදී. මේ සඳහා සෞඛ්‍ය අමාත්‍යාංශය, මධ්‍යම පරිසර අධිකාරිය, මොරටුව විශ්වවිද්‍යාලය, ජාතික ගොඩනැගිලි ආයතනය මගින් සම්පත් දායකත්වය ලබා ගන්නා ලදි.මෙම වැඩසටහන වෙබ් පදනම් සම්මන්ත්‍රණයක් ලෙස ද සංවිධානය කර තිබුණි.මෙම අවස්ථාවට සමගාමීව වායු තත්ත්ව කළමනාකරණයෙහි වැදගත්කම පිළිබඳව ඩේලි මිරර් පුවත්පතේ පුවත්පත් අතිරේකයක් පුද්ගලික අංශයන්ගේ දායකත්වයෙන් ප්‍රකාශයට පත් කිරීම සහ රූපවාහිනී වැඩසටහන් හරහා මහජනතාව දැනුවත් කිරීම සිදු කෙරිණ.

වායු සම්පත් කළමනාකරණ අංශය

වායු සම්පත් කළමනාකරණ අංශය යනු වායු ගුණාත්මක කළමනාකරණයට අදාළ සියලු පාර්ශවකරුවන් සමඟ සහයෝගයෙන් ජාතික වායු තත්ත්ව කළමනාකරණ ප්‍රතිපත්ති සහ රෙගුලාසි ක්‍රියාත්මක කිරීමේ සම්බන්ධීකරණ ආයතනයයි.මෙම යාන්ත්‍රණය යටතේ වාහන වායු විමෝචන පරීක්ෂණ වැඩසටහන අධීක්ෂණය කිරීම, ස්ථිතික ප්‍රභව විමෝචනය පාලනය කිරීම, ගෘහස්ථ වායු ගුණාත්මක කළමනාකරණයට අදාළ ක්‍රියාකාරකම්, ඉන්ධනවල ගුණාත්මකභාවය වැඩිදියුණු කිරීමේ වැඩසටහන්, සංසරණ වාතයෙහි ගුණාත්මකභාවය අධීක්ෂණය කිරීම සහ දැනුවත්භාවය ඇති කිරීම සිදු කෙරේ.

කාර්යය

• වායු තත්වය කළමනාකරණය සඳහා උපාය මාර්ගික කළමනාකරණය හා සම්බන්ධීකරණය සඳහා ආයතනික ව්‍යුහය ස්ථාපනය කිරීම
• ප්‍රවාහන ක්ෂේත්‍රයේදී සිදුවන වායු විමෝචන ඵලදායී ලෙස කළමනාකරණය
• ස්ථානීය ප්‍රභවයන්ගෙන් සිදුවන වායු විමෝචනයන් ඵලදායී ලෙස කළමනාකරණය කිරීම
• ගෘහස්ථ වායු තත්වය කළමනාකරණය
• සදාචාර විරෝධී සහ නොදැනුවත්කමින් සිදු කරන ක්‍රියාවන් කළමනාකරණය
• සුපිරිසිදු තාක්ෂණය පිරිසිදු ඉන්ධන හා ආශ්‍රිත ක්‍රියා අධීක්ෂණය
• වායු තත්වය පිළිබඳව අධීක්ෂණය කළමනාකරණය
• වායු තත්වය සඳහා දැනුවත් කිරීම්,අධ්‍යාපනය තොරතුරු හා දැනුමකළමනාකරණය
• පර්යේෂණ හා සංවර්ධන ධෛර්යමත් කිරීම සහ වායු දූෂණ බලපෑම් තක්සේරු කිරීම
• ඵලදායී ලෙස වායු තත්වය කළමනාකරණය සඳහා තොරතුරු මූලික දැනුම සහ මානව සම්පත් සංවර්ධනය
• වායු තත්වය කළමනාකරණය සඳහා ගෝලීය සහභාගීත්වය හා සහයෝගීතාවය
• වායු සම්පත් කළමනාකරණය සඳහා තිරසාර මූල්‍ය යාන්ත්‍රණයක්